تلاكيك(انا والنجوم وقفاك)

مستمعينا حلقة جديدة من برنامج
انا والنجوم وقفاك......مع
اوسامة سميرعلي نجوم fm مزيكا علي كيف كيفك

مستنيين مكالمتكم علي 88555022
وsms علي 6606
والايميلات علي قفاك ات نايل راديو بروداكشن دوت نص كوم
برعاية سلسلة محلات انا عايز اتجوز لتأجير ملابس الزفاف

حلقتنا النهارده عن تلاكيك الازواج
تعالوا نشوف مع بعض الازواج بينصحوا
بعض بأيه
وياتري الكلام ده بيحصل ولا لا
مستمعينا حلقتنا النهارده شكل تاني
تلاقي الرجالة بيقولوا لبعض

الصبح وانت رايح على شغلك وهى نايمة تعمد اسقاط اى شيئ او خبط الباب بصوت
عالى علشان تصحيها هى كمان 00 اشمعنى انت ؟ ولو حاولت ترجع تنام تانى
قل لها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة 00 قل لها معلش الحلقة
دى مهمة جدا واحد صحبى شافها على القناة الفضائية وقالى ان الحلقة دى هى
المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما
حد من اللاعبين من اى فريق يمسك الكورة قالها معلش ثوانى بقى انا حاسس ان
الكورة دى جون حتى لو كان حارس المرمى ماسك الكورة والماتش واقف لان فى
واحد مصاب
( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15
طبق واكبر كمية من الملاعق والشوك و 5 حلل من اللى عندكم فى المطبخ و 10
كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض



لو عملة ريجيم اجرى على السوبر ماركت ومحلات الحلويات واملى التلاجة
شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

متنساش رأيك فى طبيخها لو عاملة لحمة قالها حلو اوووى الفراخ دى 00ولو
طبخة بامية 00 جميلة اوى الملوخية دى حطة عليها اية ؟؟ ولو عملة كيكة
قالها انا بحب اشرب شاى مع البسكويت الحلو دة !!

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم
ادخل عليها وقولها انا نازل اجيب الهدوم اللى وقعت منى فى الشارع ولو
سألتك هو اية اللى وقع ؟ اذكر لها كل هدومها اللى كانت مغسولة مع فردة
شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق
المبلولة متحجج بأنك محتاج تتصل ضرورى بواحد صحبك ومرة عطشان ومرة تانية
بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبين الشاى
بتوع الصبح الموجودين فى الحوض ارجعلها كمان دقيقة من دخولك المطبخ وانت
ماسك كوب من الاتنين وهو مكسور واسألها فى براءة ارمى دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوب
مية علشان ضهرى بيوجعنى !!


يا تري المرأة هتفضل كده في مجتمعنا


نستقبل اول اتصال تليفوني ونقول الو


-ألو

اهلا اتعرف بيك؟


-انا متجوز من شويه ومراتي طلبت الطلاق بسببك


بسببي ازاي


-بقي مش عارف ازاي لقيت الوليه بتبصلي وانت بتقول
الفضايح دي واكتشفت اني بعمل كده راحت راقعة بالصوت
وقالت طلقني وبعدين ................


احم......واضح ان الاتصال انقطع


احنا مضطرين نقفل الحلقة قبل الوقت والا هنطلق ناس تانية


بكل الحب اتكلمنا عن الحب وبكل الحب ناقشنا كل قضايا الحب

مستمعينا خلصت حلقة النهاردة من انا والنجوم وقفاك

تابعونا

بجد انت رائع والحلقه ديه احلى من كل الى فات ياجمييييييييييييييييييييييييييييييل