مراتي مجنونة(أنا والنجوم وقفاك)

مستمعينا رجعنلكم وحلقة جديدة من


,,,,,,,,انا والنجوم وقفاك,,,,,,,,,,,,


مع اوسامة سمير وحتوم


مستنيين مكالمتكم علي88555022
وsms علي6606
والايميلات علي قفاك ات نايل راديو بروداكشن دوت نص كوم
برعاية شركات كريازي حبي واعتزازي



مستمعينا
مشاكل الشباب كتيييييييييييييييييرة يالهوي مقولوكوش
وحلقتنا النهاردة للزوجات لان الزوجات زعلوا من الحلقة اللي فتت
وحلفوا انهم هيقاطعوا البرنامج
تعالوا نشوف الزوجات بينصحوا بعض بأيه هما كمان
تلاقي الواحدة من دول بتقول:


أقرفيه فى عيشته...

1- اظبطى المنبه من بالليل على ميعدا متأخر عن ميعاد شغله يعنى لو المفروض يكون فى شغله الساعة 8 اظبطى المنبه على 8 الا ربع عشان يروح متأخر و يأخدله كلمتين فى جنابه

2- لما يصحى للشغل اعملى نفسك نايمة عشان ينزل من غير فطار

3- لو صحاكى بالعافية و قالك اعملى شاى
تروحى بسرعة و تقفلى محبس الميه و قوليه بما أن مفيش ميه يبقى مفيش شاى

4- و لو صحاكى بالعافية و قالك اعملى فطار عشان جعان
اتلكعى لحد ما يتأخر على شغله و قوليه مفيش وقت ابقى هات ساندوتش فى الشارع
( طبعا فى خباثة انتى عارفة ان مفيش حد فاتح الصبح )

5- اتصلى بيه فى عز شغله و قوليله على حاجات كتير قوى انتى عايزاها عشان الأكل
( و حاولى تكون الحاجات دى مكان وجودها بعيد أوا مش موجودة فى المنطقة )

6- و بعد أما يدوخ و يجيب الحاجات دى كلها و يروح ع البيت
قبل ما يقعد ع الكرسى قوليله ( أخ نسيت أقولك تجيب طماطم عشان السلطة و دقيق عشان السمك و شامبو عشانى بس كده )

7- حاولى تنزليه كتير عشان ينهد حيله

8- احجزى مكانك قبليه فى التليفزيون و هاتى اللى انتى بتحبيه و حاولى تكون مسلسلات مملة
أو أغانى هبلة أو فيلم كرتون

9- حاولى تشفرى قنوات الرياضه و الأخبار و ما تخليش الا اللى انتى بتحبيه

10 - لما ييجى من الشغل اتلكعى فى عمل الأكل عشان يموت من الجوع و ياريت تحرقى الأكل
و تقوليه ( أنا آسفة يا حبيبى غصب عنى الأكل اتحرق و لو كنت جعان روح هات أكل جاهز ) و ده عشان يدفع فلوس كتير بدل ما هو حاططهم على قلبه

11- و لما يحب ينام العصر شوية عشان هو راجع تعبان
شغلى بسرعة أغانى عالية أو أعملى أى حركة فى الأوضة و ولعى النور كل شوية بأى حجة عشان ما ينامش

12- و لما يقعد معاكى اقعدى احكيله عن أى حد و ارغى معاه عشان يصدع و مخه ينفجر

13 - و لو قعد يوم أجازة عشانك خديه و روحى عند مامتك أو عند أى حد من أهلك و لو مرضاش روحى لوحدك بحجة انهم حالفين عليكى
أما لو مرضاش و صمم انك تقعدى معاه تقومى بكل خباثة و تعزمى أى حد عندك بس يكونوا كتير و لما ييجوا قوليله بكل براءة ( ما قالوليش انهم جايين دول حبوا يعملوها مفاجأة )

و كل لما يحبوا يمشوا اعزمى عليهم يقعدوا كمان شوية ان شا الله حتى يباتوا



مستمعينا خلصت حلقة النهاردة ومضطرين نقفلها عشان ميحصلش
زي اللي حصل الحلقة اللي فاتت لان حاتم طلق مراته في نص الحلقة

نشوفكم في الحلقة اللي جاية من انا والنجوم وقفاك




.................تابعونا