اضحك شوية

- في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.

- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

- مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس.

- واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي

قاله بسنعة .. قال له و كمان بتتنيأ ؟ طب شوف مين حيطنعكّ

- مرة واحد مسطول بيلعب كورة اخد الكورة على صدره طلعها من منخيره

- بلدياتنا بيوقف تاكسي فسأله: فاضي يااسطة فقال له الأسطة: ايوة فاضي

فقال له بلدياتنا: طيب ماتيجي تقعد معايا شوية .
واحد بيسال صاحبه هو ايه الفرق بين تجارة الحشيش وتجارة عين شمس ؟ قام صاحبه قال تجارة عين شمس 4 سنين انما تجارة الحشيش اقلها 25 سنة.

مرة واحد سكران قابل واحد سودانى لابس جلابية بيضا قال انا اول مرة اشوف تلاجه موتورها فوق

مرة 4 دخلوا يحيو فرح راح الاول نقط بخمسة جنية وضرب طلقة في الجو راح التاني منقط بعشرة جنية وضرب طلقتين في الجو راح التالت منقط بعشرين وضرب ثلاثة طلقات في الجو جه ابوهم وحب يعمل مجاملة نقط بمائة جنية ورمي قنبلة علي الفرح

مرة ديك وفرخة ماشيين جمب محل شاورما ام الديك قال للفرخة شوفتى جزاء الى مبتسمعش كلام جوزها

جماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح رامى المضيفه


اتنين مساطيل بيحششوا فوق السطح وجنبهم ديك لما صحا الديك الصبح ادن وقال كوكايين كوكايين

ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يودعهم قام واحد من عياله قفل بقه

مات احد الاغبياء البخلاء وترك وصيته ، فلما فتحها اهله قراوا فيها ما يلي:يجب ان ادفن عموديا،وهذا
لغلاء سعر الارض

كفايه كدة وفاصل ونواصل

هههههههههههههههههههههههههههههههههههههههههههههههه