الرد اهو والموضوع اسمه( مين فينا الغلطان)

هذا الموضوع جاء ردا على موضوع(بنا ت الناس لعبه واختك ممنوع اللمس) فى ساحة الشباب والبنات
بسم الله الرحمن الرحيم
حوارونا اليوم عن من الذى أخطأ وضل الطريق وهناك ثلاته متهمين نحاول فى هذا الموضوع ان نحاكمهم بالتى هى أحسن المتهم الاول: البنت . المتهم الثانى:الشاب .المتهم الثالث :الاباء والامهات
فلنبدأ وفل يتقدموا:
ربنا قال يايها النبى قل لنسائك وبناتك ونساء المؤمنين يدنين عليهن من جلا بيبهن.
طيب ربنا قال للرسول بلغ والرسول ادى الامانه مش كده وقال...... قال لنسائه..الى هما قال عليهم ربنا وأزواجه امهاتهم يعنى برة الحسبه لكن بلغ وقال .......وقال لبناته ومسمعناش ان السيده فاطمه خرجت من بيتها مثلا ولا اى حد فيهم .....وجينا لمربط الفرس ونساء المؤمنين برضه مسمعناش عن امرأة اى حد من الصالحين خرجت من بيتها اصلا بدون زوجها لكن الى هقوله ان الى يسمح لبنته او مراته انها تخرج بشكل ملفت يبقى مش مؤمن بالقياس على الايه ديه انا مش بقول الخروج حرام لكنى بقول لابد من الاحتشام .
القران نزل لجميع العصور ولا نقاش فى ذلك.....لكن رغم كده تلاقى اختار من اللبس الجلبا ب قال يدنين عليهن من جلا بيبهن ............ ليه؟
لان الجلباب هو احشم الملابس واسعها

وعشان محدش يرد ويقول طب ماهو ممكن يكون جلباب ضيق ولا قصير
هقولك ..زى بتوع الكميا الى بيقولواااا اذا فقد العنصر خاصيه واحده من خواصه تحول الى عنصر اخر

على طول بقى عنصر مخالف ولذلك ربنا بيقول فماذا بعد الحق الا الضلال .
تانى حاجه هو قال جل فى علاه يدنين والجلبا ب هنا مش مقصود بها الجلابيه بتاعت اليومين دول لكن المقصود بها الخما ر لان عن ابن عباس قال أمر الله نساء المؤمنين إذا خرجن من بيوتهن في حاجة أن يغطين وجوههن من فوق رءوسهن بالجلابيب ويبدين عينا واحدة وقال محمد بن سيرين سألت عبيدة السلماني عن قول الله عز وجل « يدنين عليهن من جلابيبهن » فغطى وجهه ورأسه وأبرز عينه اليسرى .
ولو كملنا الايه تجد ربنا بيقول ذلك أدنى أن يعرفن فلا يؤذين يعنى ايه ... يعنى ادنى ان يعرفوا هؤلاء النساء بسمعه غير طيبه فيؤذيهم احد بنظرة او بكلمه .... واسمع تفسير السدى .. قال السدي في قوله تعالى « يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين » قال كان ناس من فساق أهل المدينة يخرجون بالليل حين يختلط الظلام إلى طرق المدينة فيعرضون اى يتعرضون للنساء وكانت مساكن أهل المدينة ضيقة فإذا كان الليل خرج النساء إلى الطرق يقضين حاجتهن فكان أولئك الفساق يبتغون ذلك منهن فإذا رأوا المرأة عليها جلباب قالوا هذه حرة فكفوا عنها وإذا رأو المرأة ليس عليها جلباب قالوا هذه أمة فوثبوا عليهاوقال مجاهد يتجلببن فيعلم أنهم حرائر فلا يتعرض لهن فاسق بأ ذى ولا ريبة وعشان كده بنقول للبنا ت خليكوا احرار ربنا عايز يشرفكوا ويميزكوا عن نساء الجاهليه .ولذلك قال بعدها على طول« وكان الله غفورا رحيما » أي لما سلف في أيام الجاهلية حيث لم يكن عندهن علم
طيب دول البنا ت والى هما غلطوا فيه لسه فى غلط على الاباء والامها ت واهل بيت المرأة لاحظوا ربنا بيقول ونساء المؤمنين اى الى هينفذ هما نساء المؤمنين كويس طيب نلاقى البنت دلوقتى خارجه بكذا وكذا واهلها فى البيت سايبنها لا .........المفروض يكون فيه رقا به وخلى بالك انت بتعامل ربنا ياخوانا ربنا قال قوا أنفسكم وأهليكم نارا وقودها الناس والحجارة فمعلش اقسى على بنتك النهارده ولابسها حجاب اتك عليها اكتر ولابسها خما ر والى اقصده الخمار الى فى الايه هى ممكن تزعل منك شويه وتقول ده قديم ولا ولا لكن واللهى هتحبك يوم القيامه يوم الراجفه هتحس انك عملت كده لمصلحتها وانت فى نفس الوقت كسبت درجة الايمان .
أما بالنسبه للشباب
الى موضوعهم كبير جداااااااا
الى عايز اوصله باختصا ر ان الشبا ب الى بيحيط بالفتاه المسلمه اما شبا ب مسلم او غير مسلم.... كويس!
لا مش كويس.....الفتاه المحترمه الى بتلبس اللبس الاسلامى تجد ان الشبا ب كله يحترمها سواء مسلم اوغير مسلم ...والشا ب المسلم المفروض يكون غيور على اخته لان كل بنا ت المسلمين اخواتك هتقولى ازاى هقولك هو مش ربنا بيقول انما المؤمنون اخوة ...... مش كده
يعنى اختك....اختك لما انت تعاكس اختك واسمك مسلم يبقى الغريب عن الاسلا م يعمل ايه!!!
تقولى واللهى يعنى انا مش بكلم المحترمه بسيبها فى حالها لكن بقى واحده معديه عايزة تتعاكس طب اعمل ايه اقولك تعمل ايه ببساطه تعمل عبيط امال فين غض البصر ولا انت عشان ملقيتش حاجه تبص عليها فى المحترمه يبقى تدور على غيرها ياشبا ب غضوا أبصا ركم

غضوا أبصاركم واتقوا الله
انت المفروض انت كمسلم تغير على اختك المسلمه والرسول قا ل ايه حديث حفظينه كلنا صم وايه شاطرين نقوله لبلب لكن مين ينفذ قال صلى الله عليه وسلم من رأى منكم منكرا فلينكره بيده فان لم يستطع فبلسانه فان لم يستطع فبقلبه وهذا اضعف الايمان .....واظن ان اكبر الانكار لما تفعله فتاه مثل هذه واضعف الايمان لنفسك هو غض البصر ..
لحد كده تمام لكن سامع حد من النصحاء بيقولى انت مش بتقول فلينكره بلسانه هقوله ايوة يقولى خلاص مانا هعاكسها ويبقى ده منه انكا ر ومنه يعنى انكار برضه لكن هرد عليه وأقول اتقى الله اتقى الله وفى مثل هذه الاشياء يكفيك ان تنكر بقلبك وتغض بصرك يقولى ... لالالالالالالالالالالالالالا الرسول بيقول فبلسانه هرد اقولك ان الاسلام والحمد لله مفهوش ثغرة متحا ولش لان فى هذه الاشياء يجوز ان ترد بيدك كما ن ولكن كلامك مش هيكون معاها يا شاطر وانما انصح اهلها الذكور وورينا لسانك بقى والدليل على الكلام ده ايه............... ربنا قال فى الايه لَئِن لَّمْ يَنتَهِ الْمُنَافِقُونَ وَالَّذِينَ فِي قُلُوبِهِم مَّرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلاً مَلْعُونِينَ أَيْنَمَا ثُقِفُوا أُخِذُوا وَقُتِّلُوا تَقْتِيلاً سُنَّةَ اللَّهِ فِي الَّذِينَ خَلَوْا مِن قَبْلُ وَلَن تَجِدَ لِسُنَّةِ اللَّهِ تَبْدِيلاً
... عارفين يعنى ايه لنغرينك بهم....قال علي بن أبي طلحة عن ابن عباس أي لنسلطنك عليهم وقال قتادة لنحرشنك بهم وقال السدي لنعلمنك بهم « ثم لا يجاورونك فيها » أي في المدينة « إلا قليلا ملعونين » حال منهم في مدة إقامتهم في المدينة مدة قريبة مطرودين مبعدين « أينما ثقفوا » أي وجدوا « أخذو » لذلتهم وقلتهم « وقتلوا تقتيلا » ثم قال تعالى « سنة الله في الذين خلوا من قبل » أي هذه سنته في المنافقين إذا تمردوا على نفاقهم وكفرهم ولم يرجعوا عما هم فيه أن أهل الإيمان يسلطون عليهم ويقرونهم « ولن تجد لسنة الله تبديلا » أي سنة الله في ذلك لا تبدل ولا تغير
فلا تحاولوا تبديلها لانها لا تبدل ولا تغير وياريت منرميش بالغلط على بعض
تلاقى البنت تقول وفيها ايه اخرج من غير حجا ب انا حرة وبعدين كل واحد يبقى فى حاله والشبا ب لما يحترموا نفسهم هنعيش كويس.
وارد عليكى ايتها الفتاه المسلمه وللشرف والفخر بأنك مسلمه ولكن انتى لست حرة بل هناك شروط لاسلامك قبل ان تقولى انك مسلمه فان نفذتى هذه الشروط فانتى اصبحتى المسلمه الحق وان اتبعتى هواكى فأسف ان اقول ان الاسلام لا يعرفك كما لا تعرفيه .
ونلاقى اهل البيت ياعم البت لسه صغيرة يعنى حجاب دلوقتى استنى بس..... ماشى استنينا وانت جربت صح ايه حصل...يقولك واللهى انا حاولت كتير معاها لكن العند راكب دماغها قال ايه اتعودت على كده لكن مش هسيبها ....ولا حول ولا قوة الا بالله وتلاقى الراجل يموت ومقدرش يقنعها تتحجب حتى ...طيب ما الاسلام وفر عليك وقالك عودها من وهى صغيرة ده حتى المثل القديم بيقولك من كبر على شئ شاب عليه يبقى انت لما دخلت عقلك المحدود ضيعت كل شئ..
وفى نوع تانى من الاهالى يقولك بقولك ايه حجاب ايه ياعم هى حرة ديه حاجه بينها وبين ربنا اقوله :والى بينك انت وبين ربنا فين يقولك موجود انا الحمد لله كذا وكذا وكذا وعملت وسويت طيب يا سيدى ربنا قالك قوا أنفسكم وأهليكم نارا وقودوها الناس والحجارة يقف وميعرفش يرد ويبتدى تانى ويحاول يخليها تلبس الحجاب لكن فا ت الاوان .ومحتاج جهد قد الجهد البسيط بتاع زمان ييجى الف مرة.
وتكلم الشاب من دول يقولك بمنتهى البساطه لو هى مخرجتش كده مكنتش بصيت ولا عاكست ولا اى حاجه من ديه وانا اختى والحمد لله محا فظ عليها ومش ممكن تخرج كده اطلاقا.
هرد عليه اقوله هفترض معاااااااك ان بنا ت المسلمين كلهم بقوا بالزى الاسلامى كويس طيب مافى بنا ت تانيه مش مسلمين
تبص تلاقيه ابتدى يعيد حساباته ويعرف ان العيب فيه مش فى البنا ت هو الى المفروض يغض البصر
ولما تقوله اختك ترضى حد يعمل معاها كده يقولك بص مليش اخوات بنا ت لكن ياصديقى العين تزنى وزناها البصر الى الحرام ومن زنى يزنى به اكيد هتتجوز ومراتك ديه لسه فى علم الغيب خلى ربنا يحفظها لك وممكن ربنا يديك بنا ت وانت ياعينى هتعجز ومش هتقدر تحميهم زى وانت فى شبا بك خلى ربنا يطرحلك فيهم البركه ويبقوا ذ ريه صالحه ويحميهوملك رب العزة
فى النهايه اسف لو طولت عليكم
وأسف لاى غلط املائى او اى لفظ خرج بدون قصد
المرجع الاساسى هو تفسير القرأن العظيم أبو الفداء ابن كثير
والسلام عليكم ورحمة الله وبركاته[/size][/size]

شكرا ليك عالمجهود الكبير اللي بذلته عشان تتكلم في الموضوع الكبير ده
وانا عاوز اقول لكل شاب كما دين تدان يعني اللي هتعمله النهاردة في بنت
ماشية في الشارع هيتردلك بكرة في اختك او امك او اي واحدة تقربللك
يا ريت يا جماعة نهتم بالموضوع ده
وشكرا يا روتيرو